8 Gjerat që Duhet të Konsideroni Kur Blini Një Apartament

Nëse jetoni me qira prej disa vitesh apo jeni një familje e re, me shumë mundësi jeni duke konsideruar blerjen e një shtëpie. Si një prej vendimeve me angazhim të konsiderueshëm financiar, ai kërkon kohën e mjaftueshme dhe analizë një të hollësishme të të gjithë variablave që kanë të bëjnë me të. Më poshtë janë 8 gjërat kryesore që duhet të mbani në mend gjatë këtij procesi.
1- Vendosni zonën ku doni të banoni.
Të gjithë duan të jetojnë në qendër të qytetit, por shumë shpesh kjo është e pamundur prej faturës së lartë financiare që ka. Pasi të bëni hesapet bazuar mbi mundësitë financiare dhe te keni bërë kompromis duke identifikuar disa zona potenciale. Për të p

blog-post image

ërzgjedhur fituesen, mbani në konsideratë: facilitetet rreth e rrotull, planin e zhvillimit të zonës, demografinë, largësinë me qendrën, largësinë me shtëpinë e prindërve dhe të afërmve etj. Beni një studim të zonës, kaloni pak kohë në të. Bëni një studim lidhur me çmimet e qirave. Sigurohuni që vlerat e qirave shkojnë proporcionalisht me vlerat e apartamenteve në raport me zona të tjera.

Pasi keni vendosur zonën ku doni të banoni:
2- Pallat i ri apo ekzistues?
Duke qenë se në Shqipëri, teknologjia e ndërtimit ka ndryshuar shumë 5 vitet e fundit, duhet të bëni kompromis ndërmjet çmimit më të lirë të pallateve ekzistues me shpenzimet shtesë që shoqërohen me to apo çmimit më të lartë të pallateve të rinj me avantazhet e shumta që ato ofrojnë brenda shtëpisë.
3- Pallat individual apo pjesë e një kompleksi ?
Secila zgjedhje ka avantazhet dhe disavantazhet e veta. Komple

kset kanë përgjithësisht më shumë hapësira të përbashkëta por më pak vende parkimi rreth e rrotull përveç parkimeve nëntokësore me pagesë. Pallatet individual janë më të thjeshtë në administrim duke qenë se kanë më pak vendimmarrës, por komplekset janë më efecient në pagesat e administrimit por më pak fleksibël.
4- Zhurmat dhe qarkullimi rreth e rrotull
E vërteta është se avantazhet e përfituara nga pallatet nëpër rrugë kryesore, janë kryesisht për bizneset dhe jo për banorët. Nëse apartamenti juaj është i orientuar nga rruga kryesore, përgatituni të dëgjoni më shumë bori makinash, ambulanca, muzikë të lartë nga lokalet dhe klientët e tyre etj. Gjithashtu duhet të merrni në konsideratë lokalet apo klubet e natës që gjenden në afërsi (nëse ka të tilla). Nëse apartamenti gjendet në zonë studentësh apo konviktesh, gjithashtu duhet të përgatiteni për më shumë zhurma. Pallatet në brendësitë e lagjeve përgjithësisht janë më të qeta, kanë më pak lëvizje makinash dhe ofrojnë më shumë hapësira të përbashkëta dhe janë vend më i përshtatshëm për banim.
5- Parkimi
A ka parkim mjaftueshëm apo duhet patjetër të blini një post parkimi të dedikuar? Gjithashtu nëse keni shpesh vizitorë, a ka parkime mjaftueshëm rreth e rrotull?
6- Cilësia e ndërtimit
Veçanërisht në Tiranë ku cilësia e ndërtimit ndryshon shumë nga viti i ndërtimit të apartamenteve, duhet të mbani parasysh: A është objekti strukturalisht i fortë apo ka nevojë për përforcim strukturor? A ka termoizolim të mirë (ky element përkthehet drejtpërdrejtë në faturën tuaj të energjisë elektrike)? A ka izolim akustik të mirë? A ka ashensorë të mirë, e hapësira teknike të mira, gjeneratorë të përgjithshëm dhe sistem depozitash të mirë për ujin sanitar? Po puset e ventilimit, janë të përbashkëta apo individuale?
7- Njihni shoqërinë ndërtuese
Nëse blini apartament gjatë fazës së ndërtimit, ka shumë avantazhe si çmimi mundësia për ta modifikuar sipas dëshirës etj. Por në këtë fazë është shumë e rëndësishme të njihni mirë ndërtuesin. Pyesni për reputacionin e tij. A është i besueshëm? Çfarë ka ndërtuar më parë? A i ka përfunduar projektet e mëparshëm deri në fund dhe a i ka respektuar afatet kontraktuale? A është i rregullt me dokumentacionin?
Nëse blini nga palë të treta si nënkontraktorë kleringu dhe ju ofrohet çmim anomalisht i ulët, ose keni dëgjuar raste të tjera ku është ofruar çmim anomalisht i ulët në krahasim me çmimet e zonës, kini kujdes. Kjo do të thotë që në momente të caktuara, ose shoqëria ose nën-kontraktorët e saj kanë qenë në vështirësi serioze ekonomike, gjë që është tregues shumë negativ.
Një tregues pozitiv, është nëse shoqëria e ndërtimit ka marrëveshje financimi me bankat, kjo do të thotë që bankat kanë besim tek ajo. Nëse banka është e qetë për paratë e saja, ju mund të jeni më të qetë për investimin tuaj.
8- Njihni komshinjtë
Nuk pritet që të njihni personalisht të gjithë komshinjtë, por demografia e zonës është shumë e rëndësishme. Me komshinjtë ju do të bini dakord për administrimin e pallatit dhe fëmijët e komshinjve të zonës do të jenë shokët e klasës apo të kopshtit të fëmijëve tuaj. Gjithashtu mbani në mend komshinjtë e mirë imponojnë sjellje të mirë edhe tek drunjtë e shtrembër.

Burimi: Progeen Construction