Pse apartamentet e reja i kanë tualetet pa dritare

Nëse jeni duke kërkuar një shtëpi, apo keni blerë një të tillë kohët e fundit, me shumë mundësi e keni bërë këtë pyetje shpesh herë.
Në pallatet e ndërtuar gjatë regjimit socialist, pothuaj të gjithë apartamentet kanë pasur dritare dhe lind natyrshëm lind pyetja pse tualetet në apartamentet e reja nuk i kanë më ato?
Në ditët e sotshme, me kërkesat gjithnjë e më të larta për ambiente banimi sa më afër qendrës së qytetit dhe hapësirat e ndërtimit të kufizuara, udhëzimet kanë qenë për një shfrytëzim sa më të mirë të sipërfaqes së ndërtimit. Kjo ka çuar në pallate me seksion të gjerë ku një shkallë ka 4-7 apartamente për kat përreth korridorit. Këto kushte bëjnë q

blog-post image

sipërfaqja e fasadës për apartament të jetë krahasimisht më e vogël. Si e tillë, arkitektët mundohen që hapësirat e ndriçuara nga drita natyrale janë rezervuar për ambientet e jetesës (sallon, dhoma gjumi) dhe ne pjesën më të thellë të apartamentit janë pozicionuar tualetet të cilat nuk janë ambiente jetese (në kushte normale një person nuk shpenzon më shumë se 40 minuta në ditë në tualet).
Në këtë rast si i është zgjidhur ventilimi?
Të gjithë kemi pasur përvoja të hidhura në pallatet e ndërtuar veçanërisht në vitet 95-2010 ku prej tubave të ventilimit në shtëpi kanë qarkulluar aroma jo fort të këndshme që vinin nga komshinjtë më poshtë ose më sipër veçanërisht në ditët me presion të ulët atmosferik (zagushi). E vërteta është fatkeqësisht jo gjithnjë janë aplikuar zgjidhjet e duhura dhe fatkeqësisht vetëm vitet e fundit disa ndërtues kanë filluar ta zgjidhin këtë problem.
Dy jan

ë zgjidhjet më të mira për këtë problem ku secila ka avantazhet dhe disavantazhet e saj.
1- Puse teknike të përbashkëta me sistem ventilimi të përbashkët në tarracë – Kjo zgjidhje kërkon më pak hapësirë të përbashkët të përdorur është e përsosur për aq kohë sa aspiratori i përbashkët në tarracë funksionon. Pra nëse ai ventilon gjatë gjithë kohës, avujt nga ambientet e gatimit dhe tualetet shkojnë gjithnjë lart dhe nuk përbëjnë problem. Por në momentin e parë që aspiratori pëson defekt ose ndalon së punuari, aromat shpërndahen nëpër të gjithë apartamentet e tjera. Nëse në pallatin ku po mendoni të blini është aplikuar ky sistem, sigurohuni që administratori i pallatit të jetë i mirë.

2- Puse teknike ku tubat e ventilimit janë individuale – Kjo zgjidhje është më e shtrenjtë, pasi detyron ndërtuesin të përdorë puse më të mëdhenj në të cilët kalojnë më shumë tuba (një tub për çdo njësi gatim ose tualeti) dhe kjo i faturohet apartamenteve si sipërfaqe e pa-shfrytëzuar. Në këtë rast pusi teknik nuk është më hapësirë ventilimi, por vetëm një hapësirë në të cilin kalojnë tuba individual ventilimi të cilët fillojnë në apartament e përfundojnë në tarracë. Kjo zgjidhje, nuk lejon hyrjen në apartament aroma që vijnë nga apartamentet te tjera sido që të vijë puna, apo sido që të jenë kushtet atmosferike.
Fatmirësisht disa ndërtues seriozë kanë filluar të përdorin këto sisteme, por prapë nuk janë aq të shpeshta. Nëse jeni në kërkim të një apartamenti sigurohuni që të jetë përdorur njëra prej tyre dhe nuk do keni nevojë për dritare në tualet.

Nga PROGEEN CONSTRUCTION - https://www.progeen.com